Berkarar döwletiň täze eýýamynyň Galkynyşy döwründe Gahryman Arkadagymyzyň ýiti zehininden, mähir yhlasyndan bina bolan, sebitde ýeketäk «akylly» şäher – ajaýyp Arkadag şäherinde ylym-bilim alýan ýaşlaryň her bir güni ýatdan çykmajak şatlykly toýlara, uly-uly üstünliklere we beýik ýeňişlere beslenýär. Altyn güýzüň ilkinji güni ýurdumyzda uludan toýlanýan «1-nji sentýabr bilimler we talyp ýaşlar güni» my![]()
nasybetli Sahy Jepbarow adyndaky Arkadag şäher ýörite sungat mekdebinde şowhunly konsert geçirildi. R.Nurmyradowyň sazyna G.Hanowanyň sözlerine «Arkadag şäheriniň talyp ýaşlary» diýen dabaraly aýdym gatnaşyjylara baýramçylyk ruhuny paýlady. Mekdebiň mugallymlarynyň ýerine ýetirmeginde diňlenen buýsançly aýdym-sazlar ýatdan çykmajak sowgat boldy. Horeografiýa bölüminiň talyplarynyň owadan tanslary, mekdebiň mugallymy S.Annaçaryýewiň «Çalsana, bagşy!» atly sazy, Bagşylar ansamblynyň «Ýaşlar Watanyň daýanjy» aýdymy tomaşaçylar tarapyndan gyzgyn el çarpyşmalara mynasyp boldy. Konsertiň ahyrynda mekdebiň kamera orkestriniň ýerine ýetirmeginde, professional žanrynyň türkmen we nusgawy aýdym-sazlary ýaňlandy. Çykyş edenleriň ählisi we dabara gatnaşyjylar okamaga, öwrenmäge, döretmäge, milli medeniýetimiziň dünýäde dabaralanmagyna giň mümkinçilikleri açyp berýän Türkmen halkynyň milli Lideri Gahryman Arkadagymyza, Watanymyzyň geljegini ýaşlara baglaýan Arkadagly Gahryman Serdarymyza çyn ýürekden çykýan alkyşlaryny beýan etdiler.
![]()
«Üflenip we kakylyp çalynýan saz gurallary»
bölüminiň müdiri Gülälek Akmyradowa.
