Tertip-düzgün we howpsuzlyk boýunça wagyz - nesihat çäresi
Sahy Jepbarow adyndaky Arkadag şäher ýörite sungat mekdebinde şu gün möhüm çäre geçirildi. Çäräniň maksady — Bitaraplyk we Täze ýyl baýramçylyklary mynasybetli jemgyýetde tertip-düzgüni berkitmek, şeýle hem partlaýjy serişdeleri ulanmazlyk baradaky düşünjeleri wagyz etmekden ybarat boldy.
Polisiýa wekilleri hem-de beýleki ýerli guramalaryň wekilleri talyplara tertip - düzgüni berjaý etmek barada çykyş etdiler. Olar jemgyýetde howpsuzlygyň üpjün edilmeginiň ähmiýeti, tertip-düzgünlere berk eýermegiň zerurlygy barada gürrüň berdiler.
Duşuşykda:
- Baýramçylyk çärelerinde jemgyýetçilik tertibiniň berjaý edilmegi,
- Partlaýjy serişdeleriň ulanylmagynyň öňüni almak,
- Ýaşlaryň hukuk we jogapkärçilik duýgusyny ösdürmek ýaly meseleler giňişleýin beýan edildi.
Çykyş edenler, Bitaraplyk we Täze ýyl baýramçylygynyň parahatçylyk, dostluk we agzybirlik baýramydygyny nygtadylar. Şeýle-de, ýaşlaryň döredijilik bilen meşgullanmagy, jemgyýetde sagdyn we howpsuz durmuş ýörelgelerini berkitmek üçin şeýle çäreleriň yzygiderli geçirilmeginiň zerurdygy bellenildi.
